गाईघाट । उदयपुरको बेलका नगरपालिका– ३ मा छ वर्षीया बालिका बलात्कृत भएकी छन् ।
बलात्कारमा संलग्न भएको अभियोगमा इलाका प्रहरी कार्यलय रामपुर टोलीले एक ५९ वर्षीय पुरुष पक्राउ गरेका छन्।
इलाका प्रहरी कार्यलय रामपुर ठोक्सीलाका अनुसार बालिका बलात्कार अभियोगमा पक्राउपर्नेमा बेलका–३ का ५९ वर्षीय खड्गबहादुर विक रहेका छन्। बालिका बलात्कार गरेको जाहेरी शुक्रबार इप्रका रामपुरमा परेपछि विकलाई प्रहरीले पक्राउ गरेको इलाका प्रहरी कार्यालयका प्रमुख तेजबहादुर दाहालले बताए।
पीडित भनिएकी बालिकाको शुक्रबार साँझ नै जिल्ला अस्पताल उदयपुरमा स्वास्थ्य जाँच गराइएको र अहिले स्वास्थ्य सामान्य रहेको प्रहरीले जनाएको छ।
प्रतिक्रिया दिनुहोस
सफल खबर संवाददाता
शनिबार, १८ पुस २०७७, १३ : १६
लेखकबाट थप