नेपालमा आज पनि ५ जनाको मृत्यु, १४५४ जना संक्रमित थपिए, ९७२ जना निको भए

काठमाडौं । नेपालमा थप ५ जना कोरोना संक्रमितको मृत्यु भएको छ । 

स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

यससँगै नेपालमा मृत्यु हुने कोरोना संक्रमितको संख्या ३२२ पुगेको छ । यस्तै आज थप १४५४ जनामा कोरोना भाइरस संक्रमण पुष्टि भएको छ भने ९७२ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या ५१ हजार ९१९ पुगेको छ । जसमध्ये ३६ हजार ६७२ जना निको भएर घर फर्किएका छन् ।