४ वर्षीया बालिकासहित ७ जनाको मृत्यु, ८९९ जना संक्रमित भेटिए, ५८८ जना निको भए

काठमाडौं । नेपालमा थप ७ जना कोरोना संक्रमितको मृत्यु भएको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृतकहरुमा एक बालिका, तीन महिला र चार पुरुष रहेका छन् । जसमा महोत्तरीकी ४ वर्षीया बालिका, गोरखाकी ६५ वर्षीया महिला, रुपन्देहीकी ६८ महिला रहेकी छिन् भने पुरुषहरुमा झापाका ८६ वर्षीय, रौतहटका ४० वर्षीय, चितवनका ७८ वर्षीय, भक्तपुरका ७७ वर्षीय रहेका छन् ।

यससँगै नेपालमा मृत्यु हुने कोरोना संक्रमितको संख्या २२८ पुगेको छ । यस्तै आज थप ८९९ जनामा कोरोना भाइरस संक्रमण पुष्टि भएको छ भने ५८८ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या ३९ हजार ४६० पुगेको छ । जसमध्ये २१ हजार ४१० जना निको भएर घर फर्किएका छन् ।