कोरोना अपडेट : थप ७ जनाको मृत्यु, ८५५ जना संक्रमित भेटिए, ३१३ जना निको भए

काठमाडौं । नेपालमा थप ७ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृतकहरुमा काठमाडौंकी ७१ वर्षीय महिला, काठमाडौंका ६६–७४ वर्षीय पुरुष, सिरहाका २२ वर्षीय पुरुष, पर्साका ६८ वर्षीय पुरुष, धनुषाका ७६ वर्षीय पुरुष, रुपन्देहीका ५३ वर्षीय पुरुष रहेका छन् ।

यससँगै नेपालमा मृत्यु हुने कोरोना संक्रमितको संख्या १६४ पुगेको छ । यस्तै आज थप ८५५ जनामा कोरोना भाइरस संक्रमण पुष्टि भएको छ भने ३१३ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या ३३ हजार ५३३ पुगेको छ । जसमध्ये १९ हजार ११९ जना निको भएर घर फर्किएका छन् ।