कोरोना संक्रमित पुरुषको उपचारको क्रममा भैरहवामा मृत्यु

बुटवल । कोरोना संक्रमित एक पुरुषको भैरहवामा उपचारको क्रममा मृत्यु भएको छ । भैरहवाको भिम अस्पतालमा उपचाररत रुपन्देहीमा गैडहवा गाउँपालिका– ३ का ५५ वर्षका कोरोना संक्रमित पुरुषको मृत्यु भएको हो ।

उनको सोमबार राति मृत्यु भएको हो । उनको ४ दिनअघि मेडिकल कलेजमा परीक्षण गर्दा कोरोना संक्रमण पुष्टि भएको थियो ।

कोरोना पोजेटिभ देखिएपछि मेडिकल कलेजले डिस्जार्चका गरेपछि उनलाई भीम अस्पतालमा भर्ना गरिएको थियो। रुपन्देहीमा अहिले सम्म कोरोना संक्रमणबाट मृत्यु हुनेको संख्या ६ पुगेको छ ।