चितवनमा थप १२ जनामा कोरोना संक्रमण, संक्रमित सबै भरतपुर महानगरका बासिन्दा

चितवन । ५ वर्षीया बालिकासहित चितवनमा थप १२ जनामा कोरोना भाइरस संक्रमण पुष्टि भएको छ । भरतपुर अस्पताल कोभिड–१९ प्रयोगशालामा गएराति गरिएको परीक्षणमा भरतपुर महानगरपालिकाका १२ जनामा कोरोना संक्रमण पुष्टि भएको हो ।

भरतपुर महानगरपालिकाको वडा नम्बर ७, ९, १०, ११ र १२ का ५ जना पुरुष र ७ जना महिलामा कोरोना संक्रमण पुष्टि भएको प्रयोगशालाकी प्रमुख डा. नितु अधिकारीले जानकारी दिइन् ।

संक्रमितहरु ५ देखि ५५ वर्ष उमेर समूहका रहेका छन् । उनीहरुको भरतपुर महानगरपालिकाका क्वारेन्टिन र पुरानो मेडिकल कलेजबाट स्वाब संकलन गरिएको हो।  यससँगै चितवनमा कोरोना भाइरसबाट संक्रमित हुनेहरुको संख्या ३ सय ६४ पुगेको छ।