कोरोना अपडेट : थप ९ जनाको मृत्यु, ६३४ जना संक्रमित भेटिए, १३६ जना निको भए

काठमाडौं । नेपालमा थप ९ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आजको नियमित पत्रकार सम्मेलनमा सो जानकारी गराएका हुन् ।

मृतकहरु सुनसरीकी ६ वर्षीया बालिका, सुनसरीकै ६७ पुरुष, पर्साका ६१–५८–४८ वर्षीय तीन पुरुष, बाराका ५८ वर्षीय पुरुष, सिरहाका ६८ वर्षीय पुरुष, मकवानपुरका ५६ पुरुष र भक्तपुरका ७३ वर्षीय पुरुष रहेका छन् ।

यससँगै नेपालमा मृत्यु हुने कोरोना संक्रमितको संख्या १४६ पुगेको छ । यस्तै आज थप ६३४ जनामा कोरोना भाइरस संक्रमण पुष्टि भएको छ भने १३६ जना निको भएर घर फर्किएका छन् । यस्तै हालसम्म नेपालमा कोरोना संक्रमितको संख्या ३१ हजार ११७ पुगेको छ । जसमध्ये १८ हजार ३५० जना निको भएर घर फर्किएका छन् ।