विर्तामोड । नेपाल पत्रकार महासंघ झापाद्वारा स्थापित पत्रकार सहारा उपचार कोषका लागि बिर्तामोड– १ निवासी प्रसार्इं परिवारले रु ५१ हजार प्रदान गरेको छ ।
मातापिता जानुका र धनपति प्रसाईंका स्मृतिमा छोराबुहारी ओमभक्त, दीपालक्ष्मी र नातिनी उपासनाले उक्त रकमको चेक पत्रकार महासंघका उपाध्यक्ष एवं उपचार कोषका संयोजक एकराज गिरीलाई हस्तान्तरण गर्नुभयो । उपाध्यक्ष गिरीले कोषको ब्याजबाट पत्रकारको उपचारमा सहयोग पुर्याइने बताए ।
महासंघले उपचार कोष रु एक करोडको बनाई त्यसको ब्याजबाट पत्रकारको उपचारमा सहयोग गर्ने कार्यविधि बनाएको छ । हालसम्म रु ३३ लाखभन्दा बढी कोषमा जम्मा भइसकेको महासंघका सहसचिव एवं कोषका सदस्य सचिव केशव भट्टराईले बताए ।
दुई दशकदेखि फर्निचर व्यवसायमा संलग्न ओमभक्त फर्निचर व्यवसायी संघ झापाका वरिष्ठ उपाध्यक्ष तथा वीरता जेसिजका पूर्वउपाध्यक्षसमेत हुन् । रासस
प्रतिक्रिया दिनुहोस