भारतीय जाली नोटका कारोबारी हुसेन अन्सारी पक्राउ

काठमाडौं । केही दिन अगाडी सुन्धारामा  ‘सुन’ र पेस्तोलको झोला छाडेर भागेका भारतीय जाली नोटका कारोबारी इल्ताफ हुसेन अन्सारीलाई प्रहरीले पक्राउ गरेको छ ।अन्सारीलाई महानगरीय अपराध महाशाखाको समन्वयमा जिल्ला प्रहरी कार्यालय पर्साबाट खटिएको टोलीले बाराको निजगढबाट पक्राउ गरेको हो ।

साउन १३ मा सुन्धाराबाट बा ६ च ५५१९ नम्बरको स्कोर्पियोबाट सुन र पेस्तोलको झोला छाडेर भागेपछि अन्सरीलााई प्रहरीले खोजिरहेको थियो । सुन्धारामा अन्सारीले चलाएको स्कोर्पियोबाट झरेका निलेश सखियाको साथबाट प्रहरीले साढे १४ किलो सुन लेपन गरेको चाँदी र दुईथान पेस्तोल बरामद गरेको थियो ।

सुन–चाँदी र पेस्तोल बरामद गरेको थाहा पाएपछि ललितपुरको नखिपोटमा स्कोर्पियो छाडेर ईल्ताफ भागेका थिए । बारा घर भएका इल्ताफ जिल्ला अदालत ललितपुरले ०६७ जेठ २६ मा ३ बर्ष कैद र २ करोड ६१ लाख  जरिवाना फैसला गरेको पाँच बर्षपछि सातदोबाटोबाट पक्राउ परेका थिए ।