मोरङमा पनि कोरोना संक्रमणबाट एक पुरुषको निधन

विराटनगर । कोरोना संक्रमणका कारण मोरङमा पनि एक पुरुषको  मृत्यु भएको छ । बीपी कोइराला स्वास्थ्य विज्ञान प्रतिष्ठान धरानमा उपचाररत मोरङका ५५ वर्षीय पुरुषको बुधबार बिहान मृत्यु भएको अस्पतालले जनाएको छ ।

श्वाश्सप्रश्वासमा समस्या र ज्वरो देखिएपछि उनी  गम्भिर अवस्थामा २६ साउनमा बीपी कोइराला स्वास्थ्य विज्ञान प्रतिष्ठान धरानमा भर्ना भएका थिए । उपचारका क्रममा बुधबार बिहान उनको मृत्यु भएको हो । 

श्वासप्रश्वासमा समस्या देखिएपछि आफन्तले २६ साउनमा कोशी अस्पताल लगेका थिए । कोशीले उनको उविपी कोईराला स्वास्थ्य प्रतिष्ठानमा रेफर गरेपछि धरानमा भर्ना गरिएको थियो । योसँगै प्रदेश १ मा कोरोना संक्रमणका कारण ज्यान गुमाउनको संख्या ७ पुगेको छ ।