पहिरोले १७ घर पुरियो, आधा दर्जन व्यक्ति बेपत्ता

धनगढी । बझाङको केदारस्यु गाउँपालिका–८ मेल्लेखीमा शुक्रबार राति गएको पहिरोका कारण १७ घर पुरिएको छ । स्थानियका अनुसार पहिरोमा आधा दर्जन व्यक्ति बेपत्ता भएका छन् । 

स्थानिय प्रशासनले हालसम्म घटना स्थलमा पुग्न नसके पनि  १७ घर पहिरोमा पुरिएका र आधा दर्जन व्यक्ति बेपत्ता भएको सूचना आएको बताए ।  घटनास्थलमा परेर घाईते भएकाहरुको उद्धारका लागि हेलिकप्टर मगाउने पहल भईरहेको छ । घटनास्थल सदरमुकामबाट टाढा भएका कारण अहिले सम्म राहत उद्धार टोली पुग्न सकेका छैनन् ।  

रातिको घटना घटेकाले सवै जना घर भित्रै भएको हुँदा क्षति बढी भएको हुन सक्ने बझाङका प्रमुख जिल्ला अधिकारी कमलराज भण्डारीले बताए ।