प्रधानमन्त्री केपी शर्मा ओलीले चार मन्त्री थप्दै सोमबार मन्त्रिपरिषद् विस्तार गरेका छन् । माओवादी केन्द्रका दुई र एमालेका दुई मन्त्रीले पद तथा गोपनियताको शपथ लिएपछि ओली नेतृत्वको सरकार सात सदस्यीय बनेको छ । तर सरकारले पूर्णता पाउन भने अझै केही समय लाग्ने देखिएको छ ।
विस्तारित मन्त्रिपरिषदमा एमालेका ईश्वर पोखरेल र डा।युवराज खतिवडा छन् भने माओवादीबाट रामबहादुर थापा र मात्रिका यादव छन् । थपिएका चारैजनाले सोमबारै राष्ट्रपति कार्यलय शीतलनिवासमा सपथ लिएका छन् ।
सोमबार एमालेबाट थपिएकामध्ये पोखरेलले रक्षा मन्त्रालयको जम्मेवारी पाएका छन् भने अर्थशास्त्री तथा पूर्व गर्भनर डा।युवराज खतिवडा अर्थमन्त्रालयको जिम्मेवारी पाएका छन् ।
त्यस्तै माओवादीबाट सोमबार मन्त्री बनेका माओवादी केन्द्रका बरिष्ठ नेता रामबहादुर थापाले गृहमन्त्रालयको जिम्मेवारी पाएका छन् ।
माओवादीकै मातृका यादवले उद्योग बाणिज्य तथा आपूर्ति मन्त्रालयको जिम्मेवारी पाएका छन् ।
प्रतिक्रिया दिनुहोस