‘भारत र चीन बिचको समस्या समाधान गर्न तयार छौं’–अमेरिकी राष्ट्रपति ट्रम्प

एजेन्सी । अमेरिकी राष्ट्रपति डोनाल्ड ट्रम्पले भारत र चीनबिच सीमालाई लिएर पछिल्लो समय भइरहेको तनावमा आफूले ध्यान दिएसंगै सहयोग पनि गर्ने बताएका छन् ।  भारत र चीन दुवैसँग यो विषयलाई लिएर अमेरिकाले कुराकानी गरिरहेको उनले बताएका छन् ।

पत्रकार सम्मेलनमा उनले भने, ‘अहिलेको अवस्था अति कठीन छ । हामीले भारतसँग कुरा गरिरहेका छौँ । चीनसँग पनि कुरा भइरहेको छ । यी दुई देशबिच हाल ठूलो समस्या छ । दुवै देश आमनेसामने भएका छन् । अगडि के हुन्छ त्यसमा हाम्रो नजर छ । हामीले अहिलेको परिस्थितिमा सहयोग गर्ने प्रयास गरिरहेका छौँ ।’

गएको सोमबार राति पूर्वी लद्दाखसँग सीमा जोडिएको वास्तविक नियन्त्रण रेखा (एलएसी) मा भारत र चीनका सेनाबिच भिडन्त भएको थियो । सो भिडन्तमा भारतका एक उच्च कमाण्डरसहित २० सैनिकको मृत्यु भएको थियो ।