सोमबार साँझ थप १३ जनामा कोरोना संक्रमण पुष्टि, संक्रमितको संख्या १८११ पुग्यो

काठमाडौं । आज सोमबार साँझ थप १३ जनामा कोरोनाभाइरस संक्रमण पुष्टि भएको छ ।

नियमित पत्रकार सम्मेलनमा सोमबार २ सय २६ संक्रमित थपिएको बताएको स्वास्थ्य तथा जनसंख्या मन्त्रालयले साँझ सवा ६ बजे थप १३ जनामा कोरोना संक्रमण पुष्टि भएको विज्ञप्तिमार्फत जानकारी दिएको छ । योसँगै सोमबार एकै दिन २ सय ३९ जनामा कोरोना संक्रमण भएको छ ।

संक्रमितमध्ये पाल्पाका २, नवलपरासी (पश्चिम) का १, गुल्मीका १, कपिलवस्तुका ७ र रुपन्देहीका २ जनामा सोमबार साँझ कारोना संक्रमण पुष्टि भएको हो । 

योसँगै नेपालमा कोरोना संक्रमितको संख्या १८११ पुगेको छ ।