आज दिनभरिको मौसम कस्तो रहला ?

काठमाडौँ । जल तथा मौसम पूर्वानुमान महाशाखाले देशभरका अधिकांश क्षेत्रको मौसम मंगलबार सामान्यतया सफा रहने जनाएको छ । अहिले पहाडी भू–भागका केही स्थानमा आंशिक बदली रही बाँकी क्षेत्रको मौसम सामान्यतया सफा रहेको छ ।

नेपालको पूर्वी भू–भाग आसपासमा निम्न चापीय प्रणाली रहेको र स्थानीय वायुको पनि प्रभाव भएकाले केही क्षेत्रको मौसम भने आंशिक बदली हुने मौसमविदले बताएका छन् ।

मंगलबार दिउँसो देशको पूर्वी तथा मध्य भू–भाग लगायत पश्चिम पहाडी भू–भागमा अपराहन्न पश्चात सामान्य बदली हुने छ । बाँकी क्षेत्रको मौसम सामान्यतया सफा रहने जनाइएको छ । मध्य तथा पूर्वी भू–भागका थोरै स्थान र पश्चिम पहाडका एक–दुई स्थानमा मेघगर्जन र चट्याङ्ग तथा हावाहुरी सहित वर्षाको सम्भावना रहेको छ ।

पूर्वी र मध्य भू–भागका थोरै स्थान तथा पश्चिम पहाडका एक–दुई स्थानमा मेघगर्जन र चट्याङ्ग तथा हावाहुरीसहित वर्षाको सम्भावना रहेको छ। राति पूर्वी तथा मध्य भू–भागमा सामान्य बदली रहने छ । पश्चिम पहाडी भू–भागमा आंशिक बदली रही बाँकी क्षेत्रको मौसम सामान्यतयासफा रहने मौसमविदले बताएका छन् ।