थप ४ जना कोरोना संक्रमित निको भएर घर फर्किए, निको हुनेको संख्या १६ पुग्यो

काठमाडौं । आज आइतबार थप ४ जना कोरोना संक्रमित निको भएर घर फर्किएका छन् । 

स्वास्थ्य मन्त्रालयका प्रवक्ता डा. विकास देवकोटाले दिएको जानकारी अनुसार वीरगञ्जस्थित नारायणी अस्पतालमा उपचार गराइरहेका चार जना संक्रमित निको भएर घर फर्किएका हुन् । 

वीरगञ्जस्थित छपकैयाको मक्की जामे मस्जिदमा बसेका तीन भारतीय र रौतहटका एक युवक घर फर्किएका हुन् ।

हाल धनगढीमा १ जना, वीरगन्जमा ३ जना, भरतपुरमा १ जना र विराटनगरमा ३० जना गरी ३५ जनाको उपचार भइरहेको र सबैको अवस्था सामान्य रहेको पनि डा. देवकोटाले जानकारी दिए ।