काठमाडौं । कोरोना रोकथाम र नियन्त्रणका लागि अधिकतम पहलकदमी लिईरहेको दाबी सरकारले गरिरहेपनि संक्रमतिको संख्या बढ्नु र नयाँ प्रकृतिका संक्रमति देखिन थालेका छन् । मुख्य तीन संक्रमितको प्रकृतिपछि सरकार झस्किएको छ । आफनो तयारीमा कहाँ कमजोरी देखा परे् भन्नेमा सरकार अहिले खोजीमा पनि जुटेको सरकारका एक मन्त्रीले बताए ।
वुधबार बसेको उच्चस्तरीय समितिको वैठकमा यस विषयमा छलफल चलेको ति मन्त्रीको भनाई छ । खासगरी यी तीन संक्रमितको अवस्था र संक्रमणको प्रकृतिका आधारमा सरकार झस्केको हो ।
पहिलो : विरगञ्जवाट कैलाली पुगेकी ६५ वर्षिय महिलामा देखिएको संक्रमण ।
यो केसमा ति महिला विरगन्जबाट कैलालीसम्म सार्वजनिक बस प्रयोग गरेर पुगेकी थिइन् । उनी चढेकी बसमा रहेका यात्रुहरुको पहिचान गर्न सरकारले अहिलेसम्म सकेको छैन । यात्रुहरुको ट्यासिङमा पुरै चुेकेको कारण सरकार यसबाट संशकित देखिएको छ ।
कतै उनीसागै यात्रा गरेका यात्रुहरुवाट अन्य मा संक्रमित सरेर समुदायमा त्यो भित्र –भित्र कतै भूसको आगो जसरी फैलिदै जान थालेको त छैन ? यो प्रकरणपछि सरकार झस्किएको हो ।
दोश्रो : रौतहटका १९ वर्षिय युवकमा देखिएको संक्रमण ।
रौतहटमा संक्रमणमा देखिएका ति युवक सरकारले अन्तराष्ट्रिय सीमा सिलवन्दी गरेपछि राती बॉर्डर क्रस गरेर नेपाल प्रवेश गरेका थिए । लुकीछिपी भारतवाट नेपाल छिरेका उनी सिधै घरमा गएका थिए ।
तर परिवारका सदस्यले उनलाई क्वारेन्टाइनमा बस्न आग्रह गरी घर प्रवेशमा रोक लगाएका थिए । त्यसपछि उनी क्वारेन्टाइनमा बसेका थिए । उनी क्वारेन्टाइनमा बसेका मान्छेहरुमा पनि सक्रमण सरेको छ की ? अहिले सरकार परिक्षणको तयारीमा छ । तर उनी जस्तै अन्य भारतवाट राती – राती भागेर सुरक्षाकर्मीको आँखा छलेर नेपाल प्रवेश गरे भने के गर्ने ? खुल्ला सीमाका कारण नेपाललाई भारतबाट त्यसरी भागेर आउनेलाई नियन्त्रण गर्ने कसरी भन्ने चुनौति थपिदिएको छ ।
तेश्रो : काठमाडौं सनसिटिमा एकै परिवारमा आमा छोरामा देखिएको संक्रमण
चैत ५ मा वेलायतबाट काठमाडौं आएका एकै परिवारका तीन जनामा र्यापिड टेष्ट गर्दा संक्रमण पोजेटिभ देखिएको थियो । तर पिसिआर गर्दा बुहारीमा नेगेटिभ र सासु र श्रीमानमा भने पोजेटिभ देखिएको थियो ।
सामान्यतयाः १४ दिनभित्रमा कोरोना रहे नरहेको देखिने भएपनि यो परिवारमा त्यस भन्दा वढी समयमा संक्रमण देखा परेको छ । एसियामा संक्रमण फैलदै गर्दा रोगको प्रकृति फरक हुदै आएको भन्दे सरकारले यो केसलाई स्वास्थ्य मन्त्रालयले आयतित संक्रमणको रुपमा ब्याख्या गरेको छ ।
यो कसरी परिदृश्य फरक परिरहेको छ भन्नेमा पनि सरकार संसकित देखिएको छ । स्वास्थ्य मन्त्रालयले उच्चस्तरीय समितिको वैठक अगाडी स्वास्थ्य मन्त्रालयमा विशेषज्ञ विज्ञहरुसँग गरेको छलफल पछि मुख्यतः यी तीन ओटा केसलाई गम्भिर भएर अुनसन्धान गर्नुपर्ने र यसले संक्रमण नेपालमा कुन चरणमा छ भन्ने निश्र्कषमा पुग्नुपर्ने सुझाव विज्ञहरुले दिएका थिए । त्यही आधारमा उच्चस्तरीय समितिको वैठकमा संक्रमण नेपालमा कतै सिधै तेश्रो चरणमा प्रवेश गरिसकेको त होइन ? भन्नेमा केन्द्रीत रहेर छलफल भएको ति मन्त्रीले बताए ।
अब के गर्ने ?
सरकारले संक्रमणवाट जोगिनका लागि अहिले चैत ११ यता निरन्तर देशभर लकडाउन गरिरहेको छ । अन्तराष्ट्रिय सीमाहरु सिल गरिरहेको छ । तर पनि विदशेबाट आएकामा संक्रमण बढिरहेको छ ।
तर पनि संक्रमण रोकिएको छैन । सधैभरी लकडाउन गरेर राख्दा मुलुकको अर्थतन्त्रमा यसले कस्तो प्रभाव पार्ला र संक्रमण रोक्न थप प्रभावकारी कदम के कसरी चाल्ने भन्नेमा समितिको वैठकमा मन्त्रीहरुले गम्भिर छलफल गरेका थिए ।
कुनै ब्यक्तिलाई संक्रमण देखा परेमा समुदायलाई नै सिल गरेर परिक्षण गर्ने की भन्नेमा पनि समितिको वैठकमा छलफल भएको थियो । तर यसै गरेर जाने भन्ने निश्र्कषमा भने समिति पुगिसकेको छैन ।
प्रतिक्रिया दिनुहोस
सफल खबर संवाददाता
विहीबार, ०४ बैशाख २०७७, ०८ : २२
लेखकबाट थप
सम्बन्धित समाचारहरु
कोरोना भाइरसविरुद्धको १६ लाख मात्रा खोप ल्याइँदै
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट