- नारायण अधिकारी
चितवन । यहाँको बिपि कोईराला मेमोरियल क्यान्सर अस्पताल कोरोना भाईरसको उच्च जोखिममा रहेको छ । अस्पतालमा कोरोनाको संक्रमण देखिएका भारतिय सिमा क्षेत्रबाट दैनिक बिरामी आउँने भए पछि रोगको जोखिम देखिएको हो ।
अस्पतालका कार्यकारी दिर्नेशक डा. बिजयचन्द्र आचार्य लकडाउनको समयमा समेत दैनिक १ सय हाराहारी बिरामी आउने गरेको बताउनु हुन्छ । अस्पतालमा अत्याबश्यक सेवा मात्र उपलव्ध गराईएको छ । अन्य समयमा यो संख्या दैनिक ६ सय भन्दा बढि हुने गर्दछ ।
आचार्यका अनुसार यसरी आएका बिरामीहरु मध्ये ९५ प्रतिशत चितवन बाहिरका रहेका छन् । अहिले सम्म कोरोनाको संक्रमण देखिएका जिल्लाका बिरामी दैनिक जसो उपचारका लागि आईरहेका छन् । कैलाली, कञ्चनपुर, धनगडी, रौतहट, पर्सा, बागलुङ लगाएतका ठाउँबाट बिरामी आईरहेका छन् ।
लकडाउन पछि भारतबाट बिरामी नआए पनि सिमा क्षत्रका बिरामीको संख्या धेरै भएको अस्पतालले जनाएको छ । अस्पतालले जटिल अबस्थामा रहेका बिरामी मात्र हेरेको छ । अत्याबश्यक रेडियोथेरापी, केमोथेरपी र शल्यक्रियाहरु भईरहेको आचार्यले जानकारी दिनुभयो ।
देशैभरबाट बिरामी आउँने हुदा अस्पताल उच्च जोखिममा परेको आचार्य बताउनुहुन्छ । सकेसम्म साबधानी अपनाएर काम गरिरहेको उहाँको भनाई छ । अस्पताल छिर्ने गेटमा बिषदी छर्कने गरिएको छ । भित्र बिरामीका धेरै आफन्त छिर्न दिईएको छैन । चिकित्सक, स्वास्थ्यकर्मीले गाउँन, माक्स र पन्जा लगाएर बिरामीलाई पनि माक्स लगाउन अनिवार्य गरिएको छ । केही दिन अत्याबश्यक बाहेकका बिरामी अस्पताल नआउन भनिए पनि दवाव थेग्न कठिन भएको आचार्य बताउनुहुन्छ । उहाँले भन्नुभयो “नियमीत उपचारमा रहेका क्यान्सरका बिरामी भन्दा कोरोना रोग उच्च जोखिममा रहेको छ । दलका नेता र पत्रकारले बढि दबाब दिएर बिरामी पठाउँने गरेका छन ।”
नियमीत उपचारमा रहेका क्यान्सरका बिरामीलाई दुई ÷तीन हप्ता घरमानै राख्दा केही नहुने भए पनि बुझाउन नसकीएको अस्पतालका चिकित्सकहरुको भनाई छ । अस्पतालले बिशेषज्ञ चिकित्सकहरुको मोवाईल नम्बर सार्बजनीक गरि परामर्श गर्न अनुरोध गरेको छ । अस्पतालको कुरुवा घर ५० जनाको क्षमता मात्रको रहेको छ ।
अस्पताल बाहिरका होटल र पसलहरु वन्द छन् । जसका कारण बिरामी र तीनका आफन्तको दैनिकी पनि कष्ठकर हुने भएकाले आउनै परे मात्र अस्पताल आउन आचार्यको सुझमब रहेको छ ।
यस अस्पतालमा नेपालका सबै जिल्ला र भारतिय सिमा क्षत्रबाट उपचारका लागि बिरामी आउने गर्दछन् । हरेक वर्ष अस्पतालले ८ हजार भन्दा वढि क्यान्सरका बिरामीको उपचार गर्दै आएको छ भने १ लाख ४० हजार हाराहारी बिरामीलाई बहिरंग सेवामा हेर्ने गर्दछ । चीनीया सरकारको सहयोगमा स्थापना भएको यस अस्पतालमा हाल ४ सय ५० शैया रहेको छ । लकडाउनमा समेत ८० जनाले भर्ना भएर सेवा लिई रहेको अस्पतालले जनाएको छ ।
प्रतिक्रिया दिनुहोस
सफल खबर संवाददाता
मंगलबार, ०२ बैशाख २०७७, १४ : १७
लेखकबाट थप
सम्बन्धित समाचारहरु
कोरोना भाइरसविरुद्धको १६ लाख मात्रा खोप ल्याइँदै
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट