एजेन्सी । स्पेनिस क्लब बार्सिलोनाका ६ जना पदाधिकारीले आफ्नो पदबाट राजीनामा दिएका छन् । बोर्डका पदाधिकारीले क्लबमा विकराल अवस्था आएको भन्दै सामूहिक रुपमा अध्यक्ष जोसेप मारिया बार्तोमेउलाई राजीनामा बुझाएका छन् । यस समाचारलाई फुटबल सम्बन्धी अनलाईन गोल डटकमले उल्लेख गरेको छ ।
पदबाट राजीनामा दिनेमा उपाध्यक्ष इमिली रोउसान्ड र इनरिक तोम्बास, निर्देशक सिल्भियो इलियस, मारिया टेक्सीडोर, जोसेप पन्ट र जोर्डी क्लासामिग्लिया रहेका छन् । उनीहरुले कोरोना भाइरसका कारण क्लबमा परेको संकट, त्यसले निम्त्याएको समस्या र अबको रणनीतिबारे धारणा सार्वजनिक गर्न आग्रह पनि गरेका छन् । राजीनामा दिएका पदाधिकारीले आफुहरुले क्लबको अवस्थाबारे जानकारी लिन चाहेपनि अध्यक्ष जोसेपले छलफल गर्न नचाहेको आरोप पनि लगाएका छन् ।
उनीहरुले क्लबको कठिन चुनौतीलार्ई सामना गर्न ब्यवस्थापनको ढाँचालाई परिवर्तन गर्न नसक्दा बिकराल अवस्था आएको राजीनामा पत्रमा उल्लेख गरेका छन् । कोरोनाका कारण आर्थिक संकट पैदा भएको भन्दै बार्सिलोनाले हालै खेलाडीको तलबमा ७० प्रतिशत कटौती गर्ने निर्णय गरेको थियो ।
प्रतिक्रिया दिनुहोस
सम्बन्धित समाचारहरु
बायर्न म्युनिखमाथि बार्सिलोनाको शानदार जित
बार्सिलोनाको जितमा लेवान्डोस्कीको ह्याट्रिक
ला लिगामा रियलको जीत, बार्सिलोनासँग अंक बराबरी
बार्सिलोनामा नेपालीहरुले भरतपुर भ्रमणको बाँडे निम्तो
आर्सनल र बार्सिलोना च्याम्पियन्स लिगको क्वाटरफाइनलमा
यामालको गोलमा बार्सा दोस्रो स्थानमा