विदेशबाट नेपाल आएका ४१ हजारको विवरण अध्यावधिक

काठमाडौं ।  स्वास्थ्य तथा जनसंख्या मन्त्रालयले विदेशबाट नेपाल आएर विभिन्न जिल्लामा गएका ४१ हजार बढीकोे टे्रस गरेर उनीहरुको विवरण अध्यावधिक भएको जनाएको छ ।

मन्त्रालयका प्रवक्ता डा विकास देवकोटाले विदेशबाट आएका ४१ हजार ४ सय मानिसको अध्यावधिक गरिएको जानकारी दिएका हुन् ।

नियमित पत्रकार सम्मेलनमा देवकोटाले उनीहरुलाई आवश्यक पर्दा सरकारले जुनसुकै बेला सम्पर्कमा ल्याउन सक्ने बताए । उनले अहिलेसम्म कोरोना संक्रमित विरामीको संख्या नेपालमा नबढेको भन्दै वीर अस्पताल र पाटन अस्पतालमा मृत्यु भएका तीन जनाको नमुना संकलन गरी परीक्षणका लागि पठाइएको जानकारी दिए ।