हेटौंडा । ६६ केजी गाँजासहित मकवानपुर प्रहरीले तीन जनालाई पक्राउ गरेको छ । पूर्व पश्चिम राजमार्ग अन्तर्गत हेटौंडा –१५ रातोमाटेस्थित चेकपोष्टबाट ना ५ख ७७०६ नम्बरको ट्रक चेकजाँचको क्रममा लागुऔषध गाँजासहित उनीहरुलाई प्रहरीले पक्राउ गरेको हो ।
नवलपरासीको दम्कौलीबाट विराटनगरतर्फ जाँदै गरेको ट्रकले कन्टेरभित्र तीन वटा बोरामा लुकाएर ल्याउँदै गरेका ६ पोका गाँजा बरामद गरिएको प्रहरीले जनाएको छ ।
फु्रुटी लोड गरिएको ट्रकभित्र उनीहरुले गाँजा लुकाएका थिए । शुक्रबारै दिउँसो पक्राउ परेका उनीहरुलाई जिल्ला प्रहरी कार्यालय मकवानपुरले शनिबार मात्र सार्वजनिक गरेको हो ।
प्रतिक्रिया दिनुहोस