गोकुल बाँस्कोटालाई पदमुक्तको सट्टा राजीनामा

काठमाडौं । कमिसनको आरोप लागेका सञ्चार तथा सूचना प्रविधिमन्त्री गोकुल बाँस्कोटालाई प्रधानमन्त्री केपी शर्मा ओलीले किन पदमुक्त गरेनन् ? नेपालको संविधानको धारा ७७ को उपधारा (२) को व्यवस्थाअनुसार मन्त्री बाँस्कोटाको व्यवहारअनुसार उनलाई राजीनामा गर्न लाउने नभई प्रधानमन्त्रीले पदमुक्त गर्नुपर्ने कानुन व्यवसायीहरूको धारणा छ।

नेपालको संविधानको धारा ७७ को उपधारा (२) मा चारमध्ये कुनै एक अवस्था आइपरेमा मन्त्रीको पद रिक्त हुने व्यवस्था गरिएको छ। जसअनुसार उपधारा (२) को खण्ड (क) मा मन्त्रीले प्रधानमन्त्रीसमक्ष लिखितरूपमा राजीनामा दिएमा, (ख) मा प्रधानमन्त्रीले मन्त्रीलाई पदमुक्त गरेमा, (ग) मा उपधारा (१) बमोजिम मन्त्रीको पद रिक्त भएमा र (घ) मा मन्त्रीको मृत्यु भएमा मन्त्रीको पद रिक्त हुने व्यवस्था छ।

ती व्यवस्थाअनुसार कुनै मन्त्रीले कुनै अनैतिक वा गैरकानुनी कार्य गरेमा प्रधानमन्त्रीले त्यस्तो मन्त्रीलाई पदमुक्त गर्नुपर्ने कानुन व्यवसायीहरूको भनाइ छ। तर मन्त्री बास्कोटालाई खण्ड (क) को व्यवस्था प्रयोग गरी राजीनामा गराइएको छ। नेपाल समाचारपत्रमा खबर छ ।