सेक्युरिटी प्रिन्टिङ प्रेस खरिद प्रक्रिया रोक्न सरकारलाई लेखा समितिको निर्देशन

काठमाडौँ । संसद्को सार्वजनिक लेखा समितिले सेक्युरिटी प्रिन्टिङ प्रेस खरिद प्रक्रिया अघि नबढाउन सरकारलाई निर्देशन दिएको छ ।

बिहीबार बसेको समितिको बैठकले समितिको अर्को बैठकले निर्णय नगरेसम्म सेक्युरिटी प्रेस खरिद प्रक्रिया अगाडि नबढाउन निर्देशन दिएको समितिका सचिव रोजनाथ पाण्डेले जानकारी दिए ।

यसै प्रकरणमा ७० करोड घूसका लागि सञ्चार तथा सूचना प्रविधि मन्त्री गोकुल बाँस्कोटाले डील गर्दै गरेको अडियो सार्वजनिक भएपछि समितिले यस्तो निर्देशन दिएको हो । प्रिन्टिङ प्रेस खरिदसम्बन्धमा छलफल गर्न पूर्वनिर्धारित कार्यतालिकाअनुसार नै समिति बैठक बसेको थियो ।