विदेशको कमाइ बोकेर श्रीमती १ महिनादेखि सम्पर्कविहिन, खोजीदिन श्रीमानको हारगुहार

चितवन । श्रीमानले विदेशमा कमाएको सुन र पैसा बोकेर चितवनकी एक महिला सम्पर्कविहिन भएपकी छिन् । भरतपुर महानगरपालिका १३  उज्वल नगरकी २८ वर्षीय प्रमिला सुनार एक महिनाअघि देखि सम्पर्कविहिन बनेकी हुन् । 

एक महिनाअघि देखि सम्पर्कविहिन प्रमिलाको अत्तोपत्तो लागेको छैन । उनले दुई लाख नगद, दुई तोला सुनसहित बैंकको सम्पूर्ण कागजात लिएर सम्पर्कविहीन बनेकी उनका श्रीमान सन्तोष सुनारले बताए । वैदेशिक रोजगरीमा रहेका सन्तोष श्रीमती सम्पर्कविहिन भएपछि खोजीका लागि अहिले घर फर्किएका छन् । 

मंसिर २४ गतेदेखि सम्पर्कविहिन भएकी प्रमिलाको खोजीदिन सन्तोषले सबैसँग हारगुहार गरेका छन् ।  १ महिना पुग्न लाग्दा पनि नभेटिएपछि उनले जिल्ला प्रहरी कार्यालय चितवनमा खोजिदिन निवेदन समेत दिएका छन् । थप अनुसन्धान भईरहेको प्रहरी प्रवक्ता प्रहरी नायव उपरीक्षक एक नारायण कोइरालाले बताए । 

परिवारका अनुसार नगद, गरगहनासहित सम्पर्कविहिन भएकाले दोस्रो विहे गरेको आशंका छ । प्रमिलाका ११ वर्षीय छोरा र ९ वर्षकी छोरी पनि रहेका छन् । प्रमिला सम्पर्कविहिन हुनुभन्दा पहिले घरमा एक जना मान्छे घरमा आउने, जाने बस्ने गरेको छोरोले भनेको सन्तोषले बताए । 
विदेशमा कमाएको सबै सम्पत्ती लिएर हिँडेपछि सन्तोष तनावमा रहेका छन् । सन्तोषले अर्कैसँग बिहे गरेर गएको भए पनि एक पटक सम्पर्कमा आउन प्रमिलालाई आग्रह गरेका छन् । छोराछोरीले आमालाई खोज्दा उनको मन भक्कानीने गरेको दुखेसो पोखे ।