एजेन्सी । कजाकिस्तानमा ९८ यात्रु बोकेको विमान दुर्घटनाग्रस्त हुँदा १४ जनाको मृत्यु भएको छ । बेक एयरको विमान अल्माटी विमानस्थलबाट उडान भरेको केही बेरमा नै शुक्रबार बिहान दुर्घटनाग्रस्त बनेको थियो ।
दुर्घटना भए लगत्तै उद्धारकर्ताहरु दुर्घटनास्थलमा जुटेका छन् । उद्धारकर्ताहरुका अनुसार अहिलेसम्म १४ जनाको मृत्यु भएको पुष्टि भएको छ । केहीको जिवितै उद्धार पनि गरिएको छ । घटनामा ५ दर्जन बढी घाइते भएका छन् जसमध्ये ९ जना बालबालिका रहेका छन् । उनीहरुको स्थानीय अस्पतालमा उपचार भइरहेको छ ।
विमान कजाकिस्तानको सबैभन्दा ठूलो सहर अल्माटीबाट देशको राजधानी नुरसुल्तानका लागि जाँदै थियो । कजाकस्तानको अलमाटीमा यसअघि सन् २०१३ को जनवरीमा पनि विमान दुर्घटना भएको थियो। कोशेताउबाट अलमाटीका लागि उडान भरेको स्क्याट एयरलाइन्सको विमान दुर्घटना हुँदा २० जनाको ज्यान गएको थियो।
प्रतिक्रिया दिनुहोस
एजेन्सी
शुक्रबार, ११ पुस २०७६, १२ : ०८
लेखकबाट थप