ट्रकको ठक्करबाट पैदल यात्रीको मृत्यु

चितवन । ट्रकको ठक्करबाट भरतपुरमा एक जनाको मृत्यु भएको छ । भरतपुर महानगरपालिका २९ दासढुङ्गामा जुगेडीबाट हेटौंडा तर्फ गईरहेको ना ६ ख १८९६ नम्बरको ट्रकले पैदल यात्री एक पुरुषलाई आईतबार बिहान ठक्कर दिएको थियो ।
गम्भीर घाइते अन्दाजी ४५ वर्षिय ती पुरुषको उपचारका क्रममा भरतपुर अस्पतालमा मृत्यु भएको जिल्ला प्रहरी कार्यलय चितवनले जनाएको छ । मृतकको अहिलेसम्म परिचय खुल्न नसकेको प्रहरी नायब उपरीक्षक एक नारायण कोइरालाले बताए । ट्रक र चालक प्रहरीको नियन्त्रणमा रहेको छ भने मृतकको शव भरतपुर अस्पतालको शवगृहमा रहेको छ ।