काठमाडौँ । राजधानी भित्रिने मुख्य नाकाका रूपमा रहेको नागढुङ्गा–सिस्नेखोला सुरुङमार्गको शिलान्यास कार्यक्रम नेपाली कांग्रेसले बहिष्कार गरेको छ । सुरुङमार्ग शिलान्यास प्रधानमन्त्री केपी शर्मा ओलीले गरेका थिए ।
चन्द्रागिरी नगरपालिकाका मेयर घनश्याम गिरी नेपाली काँग्रेसबाट निर्वाचित हुन् । आफ्नो नगरपालिकामा सुरुङमार्ग शिलान्यास भएपनि मेयर गिरीको कार्यक्रममा उपस्थिति थिएन् ।
यस्तै चन्द्रागिरी नगरपालिका वडा नम्बर ३ का वडाअध्यक्ष दुर्गालाल महर्जन, ७ का वडाअध्यक्ष शम्भु केसी, १२ का वडाअध्यक्ष प्रकाश श्रेष्ठ र काँग्रेसबाट निर्वाचित अन्य वडाका वडाअध्यक्षहरुको पनि कार्यक्रममा उपस्थिति थिएन ।
यस्तै नेपाली काँग्रेसका नेता तथा सांसद राजन केसी, काँग्रेस नेता पूर्वसांसद ध्यानगोविन्द रन्जितलगायत चन्द्रागिरी नगरपालिकाका काँग्रेस नेताहरुको पनि कार्यक्रममा उपस्थित देखिएन ।
आफूलाई निमन्त्रणा नआएको भन्दै कार्यक्रममा उपस्थित नभएको मेयर गिरीको भनाइ छ । मेयर गिरीले भने, ‘व्यक्तिगत रुपमा जानकारी आएपनि संस्थागत रुपमा निमन्त्रणा आएन ।’
प्रतिक्रिया दिनुहोस
सफल खबर संवाददाता
सोमबार, ०४ कार्तिक २०७६, १८ : ०८
लेखकबाट थप