दुर्घटनामा एकको मृत्यु

सोलुखुम्बु । जिल्लाको थुलुङदूधकोशी गाउँपालिका–३ पञ्चनमा जीप दुर्घटना हुँदा एक जनाको घटनास्थलमै मृत्यु भएको छ भने अन्य सात जना घाइते भएका छन् ।

थुलुङदूधकोशी गाउँपालिका–३ का वडाध्यक्ष भूपालध्वज राईका अनुसार मृत्यु हुनेमा स्थानीयवासी रामकाजी राईको १९ वर्षीया छोरी सरिना रहेकी छिन् । सोलुहाइड्रो पावर ८६ मेगावाटले प्रयोग गर्ने बा९च ९६४७ नंको बोलेरो दुर्घटना भएको वडाध्यक्ष राईले जानकारी दिनुभयो ।

“चाडपर्वको समयमा दुःखद घटना घट्यो”, गाउँपालिका अध्यक्ष राईले भन्नुभयो, “घाइतेहरुको उद्धार गरी जिल्ला अस्पताल फाप्लु लागिएको छ ।” आज साँझ करीब साढे ६ बजे पञ्चनको पोल्मे भन्ने स्थानमा उक्त बोलेरो खसेको जानकारी प्राप्त भएको सोलुखुम्बुका सहायक प्रजिअ टुक्ति शेर्पाले बताउनुभयो । घटनाको अन्य थप विवरण आउन बाँकी छ । रासस