नेपालले आज थाइल्याण्डसँग खेल्दै

खेल त्रिवि क्रिकेट मैदान कीर्तिपुरमा दिउँसो सवा १२ बजे सुरु हुनेछ। सिरिजको अन्तिम खेलको रूपमा रहेको यस खेलपछि उपाधि विजेताको टुंगो लाग्नेछ । हालसम्म जितविहीन रहेको नेपाल उपाधि होडबाट बाहिरिसकेको छ ।

थाइल्याण्ड र नेदरल्याण्ड्स समान ४–४ जितसहित उपाधि होडमा छन् । आज थाइल्याण्डले नेपाललाई हराएमा थाइल्याण्डले उपाधि जित्नेछ । यता नेपाल भने थाइल्याण्डलाई हराउँदै सान्त्वना जित निकाल्ने लक्ष्यमा हुनेछ । फराकिलो जित निकालेमा नेदरल्याण्ड्सको पनि उपाधि जित्ने सम्भावना रहन्छ ।फाइनल नहुने भएकाले खेल सकिँदासम्म शीर्ष स्थानमा रहने महिला टोलीले सिरिजको उपाधि जित्नेछ।