विद्यार्थीको मृत्युपछि चिनियाँ सहरमा भड्कियो हिंसा

बेइजिङ । उत्तर पश्चिम चीनको एक सहरमा एक छात्रको मृत्युले हिंसात्मक विरोध प्रदर्शन निम्त्याएको छ । सामाजिक सञ्जालमा सेयर गरिएको भिडियोमा प्रदर्शनकारीहरूले प्रहरीमाथि सामान फ्याँकेको देखिएको छ ।

शान्सी प्रान्तको पुचेङमा अधिकारीहरूले केही प्रदर्शनकारीहरूलाई कुटपिट गरेको देखिएको छ । जनवरी २ मा आफ्नो स्कुलको होस्टेलमा लडेर ती बालकको मृत्यु भएको बताइएको थियो । तर यो मामिलालाई लुकाएर राखेको भन्दै विरोध प्रदर्शन सुरु भयो ।

विरोध प्रदर्शन धेरै दिनसम्म जारी रहेको थियो । तर हप्ताको सुरु देखि अधिकारीहरूले यसलाई दबाउन सुरु गरे । पुचेङमा भइरहेको विरोध प्रदर्शनमा राज्य सञ्चालित मिडिया मौन छ । सामाजिक सञ्जालमा  विरोध प्रदर्शनका  क्लिप वा उद्धरणलाई निकै हदसम्म सेन्सर गरिएको छ ।