एनआईसी एशिया बैंकको सहयोगमा निर्मित पुस्तकालय उद्‌घाटन

काठमाडौं। एनआईसी एशिया बैंकको सहयोगमा रुपन्देहीको सियारी गाउँपालिका ४ छपियाको पब्लिक सेकेण्डरी स्कूलमा बनेको पुस्तकालय उद्‌घाटन गरिएको छ ।​​

विद्यार्थीलाई आवश्यक शैक्षिक सामग्री उपलब्ध गराई अध्ययन अध्यापनमा सहयोग पुर्‍याउने उद्देश्यले निर्मित भवन विद्यालयलाई हस्तान्तरण गरी पुस १२ गते उद्‌घाटन गरिएको हो ।

विद्यालयमा उत्कृष्ट शैक्षिक वातावरण सिर्जना गर्ने उद्देश्यले सम्बन्धित विद्यालय एवं स्थानीय तहको सक्रियता बैंकको सहयोगमा भवन निर्माण भएको थियो ।

उक्त पुस्तकालय समुद्घाटन समारोहमा सोही गाउँपालिकाका अध्यक्ष थानेश्वर घिमिरे, एनआईसी एशिया बैंक लुम्बिनी, कर्णाली र सुदूरपश्चिम प्रदेश प्रमुख तिलकसुन्दर कार्की तथा सम्बन्धित विद्यालयका प्रतिनिधिहरू लगायतको उपस्थिति रहेको थियो ।

पुस्तकालय सञ्चालनमा आएसँगै उक्त विद्यालयका झन्डै २७०० विद्यार्थी तथा शिक्षक/शिक्षिकाहरू उक्त पुस्तकालयबाट प्रत्यक्षरूपमा लाभान्वित भएका छन् । बैंकले पुस्तकालय भवन निर्माणका लागि कुल २ करोड ५ लाख ३० हजार बजेट विनियोजन गरेको थियो ।