आजपाले सरकारविरुद्ध काठमाडौँमा प्रदर्शन गर्ने

काठमाडौँ । आम जनता पार्टी (आजपा) ले सरकारले मनोमानी कर लिइरहेको भन्दै काठमाडौँमा विरोध प्रदर्शन गर्ने भएको छ । यही पुस १४ गते प्रदर्शन गर्न लागिएको आजपाले जनाएको छ ।

केन्द्र, प्रदेश र स्थानीय तहसहितका ७६१ सरकारले लिइरहेको कर मनोमानी रहेकाले अन्त्य गर्नुपर्ने उनीहरूको माग छ ।

आजपा अध्यक्ष एवं पूर्वमन्त्री प्रभु साहले समृद्ध नेपाल निर्माण गर्नका लागि सरकारपिच्छे कर लिन नहुने बताए ।

उनी भन्छन्, ‘सरकार पिच्छे पाइला पाइलामा कर लिने तर सेवा नदिने । कर लिने तर सोही अनुसारको सुविधा नदिने । केवल कर कसरी लिने भन्नेमा मात्रै सरकारको ध्यान छ ।’