त्रिविले सबै क्याम्पसमा एकैपटक स्ववियु चुनाव गराउने

काठमाडौँ। त्रिभुवन विश्वविद्यालय स्वतन्त्र युनियन (स्ववियु) चुनावको तयारीमा जुटेको छ ।

त्रिविको क्यालेन्डर अनुसार १५ फागुनमा स्ववियु चुनाव गराउने उल्लेख छ । क्यालेन्डर अनुसार चुनाव गराउन विद्यार्थी कल्याण परिषद्ले तयारी थालेको हो।

मंगलबार रेक्टर खड्ग केसीको अवध्यतामा बसेको विद्यार्थी कल्याण परिषद्को बैठकले केन्द्रीय चुनाव समिति बनाउने र विद्यार्थी संगठनसँग छलफल गर्ने निचोड निकालेको छ । त्रिवि अन्तर्गतका सबै क्याम्पसमा एकैपटक चुनाव गरिने बताइएको छ ।

स्ववियु चुनाव दुई-दुई वर्षमा गर्ने प्रावधान छ।