रुपन्देहीको मुर्गियामा डिशहोमको नयाँ सेवा केन्द्र

काठमाडौं। रुपन्देहीको मुर्गियामा डिशहोमको नयाँ सेवा केन्द्र सञ्चालनमा आएको छ । सैनामैना नगरपालिकाका प्रमुख फणेन्द्रप्रसाद शर्माको प्रमुख आथित्यतामा डिशहोमको इन्टरनेट सेवाको नयाँ शाखाको उद्‌घाटन गरिएको हो ।

कार्यक्रममा स्थानीय तहका जनप्रतिनिधि, डिशहोमका कर्मचारीहरू तथा अन्य उल्लेखनीय व्यक्तिहरूको उपस्थिति रहेको थियो ।​​​

उक्त सेवा केन्द्रले सैनामैना नगरपालिकाका ग्राहकहरूलाई डिशहोमका विविध सेवा उपलब्ध गराउनेछ। ग्राहकहरूले यहाँबाट इन्टरनेटको नयाँ जडान, रिचार्ज, र टिभी जडान तथा रिचार्ज सेवा बुक गर्न सक्ने कम्पनीले जनाएको छ ।

यस सेवा केन्द्रमार्फत अब सैनामैना क्षेत्रका स्थानीय ग्राहकहरूको आवश्यकता समाधान गर्न र गुणस्तरीय सेवा सुविधाहरू थप प्रभावकारी रूपमा प्रदान गर्न सहयोग गरिनेछ।​​​

डिशहोमको यो नयाँ शाखाले सैनामैना नगरपालिकाका नागरिकहरूलाई डिजिटल सेवासम्बन्धी सहज पहुँच पुर्याउन महत्वपूर्ण योगदान पुर्‍याउने विश्वास कम्पनीको छ ।