११ किलो गाँजा बोकेर मोटरसाइकलमा सवार २ युवा पक्राउ

सर्लाही । सर्लाहीको बरहथवाबाट प्रहरीले लागू औषध गाँजासहित दुईजना युवालाई पक्राउ गरेको छ। 

बरहथवा नगरपालिका- १६ गंगापुरस्थित बागमती नदी किनारबाट प्रहरी नायव निरीक्षक अमेन्द्र रायको कमाण्डमा खटिएको प्रहरी टोलीले उनीहरुलाई पक्राउ गरेको हो। 

पक्राउ पर्नेमा सिन्धुलीको हरिहरपुरगढी गाउँपालिका- ८ पाँचतले निवासी २९ वर्षीय वाङ दार्जे थिंङ र सर्लाहीको हरिवन नगरपालिका- ४ तीनघरे बस्ने ३० वर्षीय सागर लामा छन्। 

उनीहरुको साथबाट ११ किलो गाँजा र बागमती प्रदेश ०२-०२१ प २४४४ नम्बरको मोटरसाइकल पनि बरामद गरिएको जिल्ला प्रहरी कार्यालय सर्लाहीले जनाएको छ।