संसदीय समितिका सभापतिको निर्वाचन असोज ११ गते हुने

काठमाडौँ। सुदूरपश्चिम प्रदेश सभा अन्तर्गतका विषयगत समितिको निर्वाचन असोज ११ गते हुने भएको छ । आज बसेको प्रदेश सभा बैठकले असोज ११ गते दिनको १ बजे संसदीय समितिको निर्वाचन तोकेको हो ।

सार्वजनिक लेखा समिति, विधायन तथा प्रदेश मामिला समिति, सामाजिक विकास समिति र प्राकृतिक स्रोत समितिका सभापतिहरूको निर्वाचन हुने सभामुख भीमबहादुर भण्डारीले जानकारी दिए ।

उनले निर्वाचन कार्यतालिका प्रकाशन गर्न प्रदेश सभा सचिवालयका सचिव देवबहादुर बोगटीलाई निर्देशन दिनु भएको छ । समितिका सभापतिहरूको निर्वाचन अहिलेसम्म हुन सकेको थिएन ।