मुग्लिन-नारायणगढ सडकखण्डमा बस दुर्घटनामा परेर १८ जना घाइते (सूचीसहित)

काठमाडौँ । मुग्लिन–नारायणगढ सड्कखण्डमा बस दुर्घटनामा परेर १८ जना घाइते भएका छन् । महेन्द्रनगरबाट काठमाडौं आउँदै गरेको सुदूरपश्चिम प्रदेश–०२–००१ ख १३३२ नम्बरको बस आफैँ अनियन्त्रित भएर दुर्घटना भएको जिल्ला प्रहरी कार्यालय चितवनका डीएसपी भेषराज रिजालले बताए ।

भरतपुर महानगरपालिका–२९ स्थित घुमाउनेमा दुर्घटनामा परेर ४ जना पुरुष र १४ जना महिला घाइते भएका हुन् । उनीहरुको भरतपुर र जनता केयर अस्पताल मुग्लिनमा उपचार हुँदैछ । बस चालक कञ्चनपुरको बेदकोट नगरपालिका–३ घर भएका २६ वर्षीय बलराम पन्तको दाहिने कुहिनो र ढाडमा चोट लागेको छ । उनको जनता केयर अस्पतालमा उपचार भइरहेको डीएसपी रिजालले बताए ।

घाइतेहरुको नाम र ठेगाना

१. तारा भट्ट, ४० वर्ष । कञ्चनपुर भिमदत्त नगरपालिका–१०

२. हरिकला थापा, २३ वर्ष । कैलाली लम्किचुहा–३

३. कैलाश विक, १९ वर्ष । लक्किचुहा नगरपालिका–३

४. कृष्णा विक, २७ वर्ष । लम्किचुहा–३

५. जयन्ती विक, ३५ वर्ष । लम्किचुहा–३

६. दिल बहादुर सुनार, ३७ वर्ष । कञ्चनपुर भिमदत्त नगरपालिका–८

७. समिदेवल राना, २३ वर्ष, कञ्चनपुर नगरपालिका–३

८. शेरबहादुर विष्ट, ३७ वर्ष कैलाली गोदावरी नगरपालिका–१२

९. बसन्त बोहोरा, २२ वर्ष । बझाङ बित्थडचिर गाउँपालिका–४

१०. धरम खड्का, ३४ वर्ष । कञ्चनपुर भिमदत्त–१७

११. दिपेश भट्ट, २० वर्ष । भिमदत्त नगरपालिका–१०