एभरेष्ट बैंकको बानेश्वर शाखाले थाल्यो आफ्नै अत्याधुनिक भवनबाट कारोबार

काठमाडौं। एभरेष्ट बैंक लिमिटेडको बानेश्वर शाखाले आफ्नै भवनबाट कारोबारको शुभारम्भ गरेको छ ।साविकको स्थानबाट करिब १५० मिटर पश्चिममा हरेको आफ्नै नवनिर्मित अत्याधुनिक सुविधा सम्पन्न भवनमा सम्पूर्ण बैंकिङ कारोबार शुरू गरिएको बैंकले जनाएको छ ।

बुधबार आयोजित विशेष कार्यक्रममा बैंकले काठमाडौं महानगरपालिका वडा नम्बर- १०, नयाँ बानेश्वरस्थित आफ्नै नव निर्मित सुविधा सम्पन्न भवनबाट ​सम्पूर्ण डिजिटल प्रविधि चलाउन मिल्ने 'डिजिटल संसार'को शुभारम्भ गरेको छ ।​​

सेवा शुभारम्भ गर्दै ​बैंक सञ्चालक समितिका अध्यक्ष डा. बालगोपाल वैद्यले बैंक विश्वासको सहयात्री भएको भएको बताए । नयाँ बानेश्वर र आसपासका बासिन्दाहरूलाई सरल, उत्कृष्ट, अत्याधुनिक तथा गुणस्तरीय बैंकिङ सेवा प्रदान गराउने उनले प्रतिबद्धता जनाए ।

उक्त डिजिटल संसारमा, बैंकिङ क्षेत्रको हालसम्मकै अत्याधुनिक प्रणाली जडित उपकरण मार्फत ग्राहकवर्गलाई डिजिटल सेवा दिने व्यवस्था गरेको छ ।अब ग्राहकहरूले एकै स्थानबाट खाता खोल्ने, नगद कारोबार गर्ने, चेक डिपोजिट गर्ने साथै सेवासम्बन्धी गुनासोसम्म डिजिटल प्रविधि प्रयोग गरी गर्न सक्ने व्यवस्था रहेको छ।​

पञ्जाब नेशनल बैंक भारतसँग संयुक्त साझेदार रहेको यस बैंकमा १४ लाखभन्दा बढी सन्तुष्ट ग्राहक रहेका छन् ।देशैभरिका १२८ शाखा सञ्जाल, ४ एक्स्टेन्सन काउण्टर, ७ प्रादेशिक कार्यालय, १६६ एटीएमसहित विश्वव्यापी नेटवर्कबाट अत्याधुनिक मोबाइल, इन्टरनेट र एसएमएस बैंकिङ सुविधा प्रदान गर्दै आइरहेको छ ।

बैंकले नेपाल सरकारको राजस्व संकलनका लागि ३२ वटा केन्द्रबाट समेत सेवा दिँदै आइरहेको छ ।