रुसमा शक्तिशाली भूकम्पको धक्का

एजेन्सी । रुसमा शक्तिशाली भूकम्पको धक्का महसुस गरिएको छ । स्थानीय समयानुसार आइतबार बिहान रुसमा ७.० म्याग्निच्युडको भूकम्प गएको अमेरिकी समाचार संस्था सीएनएनले जनाएको छ ।

भूकम्पपछि धेरै जना बाहिर निस्किएका थिए । समाचारमा जनाइएअनुसार भूकम्पको केन्द्रविन्दु रुसको सुदूरपूर्वमा रहेको कामचटका प्रायदीपको तट रहेको छ । 

सीएनएनले भूकम्पपछि ज्वालामुखी विस्फोट भएको उल्लेख गरेको छ । भूकम्पका कारण कुनै 'ठूलो क्षति' भएको विवरण प्राप्त भइनसकेको समाचारमा उल्लेख छ । 

भूकम्पपछि अमेरिकाले सुनामीको चेतावनी जारी गरेको छ । रुसी आपतकालीन मन्त्रालयले भने भूकम्पको कारण सुनामीको चेतावनी जारी गरेको छैन ।