गोमन सर्पले डस्दा वृद्धाको मृत्यु

झापा ।  झापामा विषालु सर्पको टाकाइबाट एक वृद्धाको मृत्यु भएको छ। 

बिर्तामोड नगरपालिका- ७ गरामनी मिलडाँडा निवासी ६८ वर्षीया धनमाया पौडेलको सर्पको टाकाइबाट मृत्यु भएको हो।

आफ्नै घरमा गोमन सर्पले डसेपछि उनलाई उपचारका लागि सर्पदंश उपचार केन्द्र चारआली लगिएको थियो। 

त्यहाँ उपचार हुन नसकी थप उपचारका लागि बीएण्डसी अस्पताल बिर्तामोड ल्याउँदै गर्दा उनको बाटैमा मृत्यु भएको इलाका प्रहरी कार्यालय बिर्तामोडका प्रहरी प्रमुख प्रहरी नायब उपरीक्षक प्रकाश विष्टले बताए।