काठमाडौं। नेपाली कांग्रेसका सभापति शेरबहादुर देउवाले पार्टीको महाधिवेशन निर्धारित मितिमै हुने बताएका छन् ।आइतबार केन्द्रीय समिति बैठकमा नेता शेखर कोइरालाले तोकिएको समयमै महाधिवेशन गर्न माग गरेपछि देउवाले शंका नगर्न आग्रह गरेका हुन् ।
बैठकमा कोइरालाले २०८२ मंसिरमा १५ औं महाधिवेशन गर्ने सुनिश्चितता केन्द्रीय समितिको चालू बैठकबाट हुनुपर्ने बताएका थिए ।कोइराला बोल्दाबोल्दै देउवाले निर्धारित मितिमै महाधिवेशन हुने बताएका हुन् ।
‘निर्धारित मितिमै महाधिवेशन गर्ने कुरा विधानमै उल्लेख छ, शंका गर्नु पर्दै,’ बैठकमा देउवाको भनाइ उद्धृत गर्दै एक केन्द्रीय सदस्यले भने । कांग्रेसको १४ औं महाधिवेशन २०७८ मंसिरमा सम्पन्न भएको थियो । चार वर्षमा महाधिवेशन गर्ने व्यवस्था रहेपछि सभापतिले ६ महिना कार्यकाल थप्न सक्ने व्यवस्था छ ।
२०८३ असारमा सरकारको नेतृत्व गर्ने गरी नेकपा एमालेसँग सहमति गरिएका कारण देउवाले महाधिवेशन पछि धकेल्ने संस्थापन इतर समूहको आशंका छ ।
प्रतिक्रिया दिनुहोस
सफल खबर संवाददाता
आइतबार, २७ साउन २०८१, १५ : ५६
लेखकबाट थप
सम्बन्धित समाचारहरु
कांग्रेस सभापति देउवाको भारत जाने कार्यक्रम रद्द
३३ प्रतिशत महिलाको आरक्षण संसारका कमै देशमा होला : देउवा
कांग्रेस सभापति देउवा भोलि भारत जाने
ऊर्जा उद्यमीलाई दुःख दिने काम बन्द हुनुपर्छ : देउवा
मुख्य प्रतिस्पर्धीसँग सहकार्य गर्दा केही असहमति हुनसक्छन्, समाधान गरेर अघि बढ्नुपर्छ : सभापति देउवा
लोकतन्त्रको विकल्प खोज्ने होइन,सुदृढ बनाउने हो : देउवा