हेलिकप्टर दुर्घटना अपडेट : ५ जनाको मृत्यु (नामसहित)

काठमाडौँ । एयर डाइनेस्टीको हेलिकप्टर केही बेरअघि नुवाकोटको शिवपुरी-७ सूर्यचौर डाँडामा दुर्घटनामा परेको छ । 

दुर्घटनामा ५ जनाको मृत्यु भएको जिल्ला प्रहरी कार्यालय नुवाकोटका प्रमुख एसपी शान्तिराज कोइरालाले बताए । अहिले त्यहाँ पुगेका प्रहरी र स्थानीय बासीले हेलिकप्टरमा लागेको आगो निभाउने कोसिस गरिरहेको उनले बताए ।  हेलिकप्टर क्याप्टेन अरुण मल्लले उडाएका थिए ।

हेलिकोप्टरमा चार जना चिनियाँ नागरिक रहेको बताइएको छ । उक्त हेलिकोप्टरमा चिनियाँ नागरिकहरु जुदाड टाङ (पुरुष), जी लि (पुरुष), यियाद वु (महिला) र जेमिङ सी (पुरुष) सवार थिए । घटनास्थलमा दुई पुरुष र एक महिला र अर्को एक जना चिन्न नसक्ने अवस्थामा शव भेटिइएको छ ।