यस्तो छ आज विदेशी मुद्राको विनिमय दर

काठमाडौं । आज अमेरिकी डलरको भाउ स्थिर हुँदा अरु विदेशी मुद्राको विनिमय दर सामान्य घटबढ भएको छ ।

नेपाल राष्ट्र बैङ्कले आजका लागि निर्धारण गरेको विनिमय दर अनुसार अमेरिकी डलर एकको खरिददर १३६ रूपैयाँ ३० पैसा र बिक्रीदर १३६ रूपैयाँ ९० पैसा कायम भएको छ । हिजो शुक्रबार पनि अमेरिकी डलरको यही भाउ निर्धारण थियो ।

आज युरोपियन युरो एकको खरिददर १५५ रूपैयाँ ०३ पैसा र बिक्रीदर १५५ रूपैयाँ ७१ पैसा कायम भएको छ । शुक्रबार युरोपियन युरो एकको खरिददर १५४ रुपैयाँ ९३ पैसा र बिक्रीदर १५५ रुपैयाँ ६१ पैसा निर्धारण भएको थियो ।

यसैगरी आज  युके पाउन्ड स्ट्रर्लिङ एकको खरिददर १८० रूपैयाँ ९६ पैसा र बिक्रीदर १८१ रूपैयाँ ७६ पैसा, स्विस फ्र्याङ्क एकको खरिददर १६६ रूपैयाँ ५८ पैसा र बिक्रीदर १६७ रूपैयाँ ३१ पैसा कायम गरिएको छ ।