ठमाडौँ । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले ‘मेड इन नेपाल’ अभियानलाई थप सशक्त बनाउन नेपाल युवा उद्यमी मञ्चका सदस्यहरूलाई आग्रह गरेका छन् । नेपाल युवा उद्यमी मञ्चको शुक्रबार काठमाडौँमा भएको २० औँ वार्षिक साधारण सभालाई सम्बोधन गर्दै ढकालले करिब १५ वर्षअघि नेपाल युवा उद्यमी मञ्चले सुरु गरेको ‘मेड इन नेपाल’ अभियान धेरै संस्थाहरूको लागि प्रेरणाको स्रोत बनेको बताए ।
ढकालले नेपाल उद्योग वाणिज्य महासङ्घको युवा सङ्गठनका रूपमा नेपाल युवा उद्यमी मञ्चले धेरै क्षेत्रमा नेतृत्व गरेकोमा प्रशंसा गरे । उनले नेपाल उद्योग वाणिज्य महासङ्घको प्रतिष्ठा बढाउन नेपाल युवा उद्यमी मञ्चका सदस्यहरूले गरेको कामको प्रशंसा पनि गरे । नेपाल उद्योग वाणिज्य महासङ्घको पहलमा सरकारले स्टार्टअप नीति पारित गरेको ढकालले भेलालाई जानकारी दिए ।
ढकालले नेपाल उद्योग वाणिज्य महासङ्घले स्टार्टअपलाई कानुनमा परिभाषित गर्न सफल भएको बताए । नेपाल युवा उद्यमी मञ्चका सदस्यहरूले उद्यमशीलता प्रवर्द्धनमा विशेष भूमिका खेल्नेमा आफू विश्वस्त रहेको ढकालले बताए । नेपाल उद्योग वाणिज्य महासङ्घले महासङ्घको विधान संशोधनको मस्यौँदा कार्यसमितिबाट पारित गरेको र नेपाल युवा उद्यमी मञ्चको अध्यक्ष पदेन रूपमा कार्यकारिणी समिति सदस्य रहने व्यवस्था समावेश गरिएको ढकालले जानकारी दिए ।
यसमा सदस्यताका लागि केही व्यवस्था गर्नुपर्ने बताउँदै उनले आगामी विशेष साधारण सभाले पारित गर्ने र नेपाल युवा उद्यमी मञ्चको नेतृत्व महासङ्घको नेतृत्वमा पनि पुग्नेमा आफू विश्वस्त रहेको बताए । देशको अर्थतन्त्रका बारेमा बोल्दै ढकालले प्रधानमन्त्री, अर्थमन्त्री, गृहमन्त्री र उद्योग, वाणिज्य तथा आपूर्ति मन्त्रीसँग भेटघाट गरेको बताए । निजी क्षेत्रको मनोबल उकास्न काम गर्न सरकारलाई आग्रह गरेको र सरकारले महासङ्घको सुझावहरू सकारात्मक रूपमा लिएको बताए ।
प्रतिक्रिया दिनुहोस
सफल खबर संवाददाता
शनिबार, ०५ साउन २०८१, ११ : ३२
लेखकबाट थप
सम्बन्धित समाचारहरु
निजी क्षेत्रमा अख्तियार र सतर्कता केन्द्र पसे अर्थतन्त्र चलायमान बन्न सक्दैनः अध्यक्ष ढकाल
बिमस्टेक पूर्वाधार विकास कोष बनाउन चन्द्र ढकालको प्रस्ताव
नेपालमा थप लगानीका लागि ओपेक फन्डसँग आग्रह
जलवायुमैत्री लगानी विस्तारका लागि अन्तर्राष्ट्रिय समुदायलाई आग्रह
श्रम सम्बन्धी विवाद स्थानीय तहमै समाधान हुनु महत्वपूर्ण उपलब्धि हाे : अध्यक्ष ढकाल
निर्माण व्यवसायीको भुक्तानी छिटो दिन सरकारसँग माग