काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ।
पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए।
उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले सङ्घीय सरकारका प्रधानमन्त्रीलाई विश्वातको मत दिने निर्णय गरिएको हो।
जनमतको नेतृत्वमा कांग्रेस, एमाले, लोकतान्त्रिक समाजवादी (लोसपा) सहित मधेस प्रदेश सरकारले बिहीबार पूर्णता पाइसकेको छ।
“हाम्रो पार्टीको सुरुदेखिनै प्राथमिकतामा मधेस प्रदेश सरकार थियो। प्रदेशमा जनमतको नेतृत्वलाई कांग्रेस र एमालेले समर्थन गरेकाले सङघीय सरकारलाई समर्थन गरेर जाने पार्टीको स्पष्ट नीति छ”, प्रवक्ता यादवले भने।
प्रतिनिधिसभामा जनमत पार्टीका छ सांसद छन्। प्रधानमन्त्री ओलीले नेपालको संविधान बमोजिम यही साउन ६ गते (आइतबार) प्रतिनिधिसभामा विश्वासको मत लिने कार्यक्रम छ।
प्रतिक्रिया दिनुहोस
सफल खबर संवाददाता
शुक्रबार, ०४ साउन २०८१, २० : १८
लेखकबाट थप
सम्बन्धित समाचारहरु
जनमत पार्टीका केन्द्रीय सचिवसहित ७ नेतालाई कारबाही
जनमत पार्टीले गर्यो सचिव साहसहित ७ जनालाई ३ महिना निलम्बन
मधेश प्रदेशको मुख्यमन्त्रीमा सतिश सिंह नियुक्त
तराई-मधेशमा बढिरहेका आपराधिक घटनाका दोषीलाई कारबाही गर्न माग
मधेशमा योजना खरिद बिक्री भइरहेको जनमतको आरोप
वीरगन्जमा जनमत पार्टीको बैठक, नौलो गणतन्त्रको बारेमा छलफल हुँदै