काठमाडौं। नेकपा माओवादीका सांसदहरूले प्रधानमन्त्री पुष्पकमल दाहाल प्रचण्डले असार २८ गते प्रतिनिधि सभाबाट विश्वासको मत नपाए संविधानको धारा ७६ (३)मा अनुसार नयाँ सरकार गठन हुने जिकिर गरेका छन् ।
नेपाली कांग्रेस र नेकपा एमालेबीच धारा ७६ (२) अनुसार केपी शर्मा ओलीको नेतृत्वमा सरकार गठन गर्नेगरी भएको सहमतिप्रति माओवादी नेताहरूले विरोध जनाए ।
धारा ७६ (२) मा दुई वा दुईभन्दा बढी दलको समर्थनमा प्रधानमन्त्री बन्ने व्यवस्था छ । ३ मा ठूलो दलको संसदीय दलको नेताको नेतृत्वमा सरकार बनाउने व्यवस्था छ ।
मंगलवार बसेको प्रतिनिधि सभा बैठकमा बोल्ने माओवादी सांसदहरूले अबको सरकार धारा ७६ (३) अनुसार बन्नुपर्ने जिकिर गरेका हुन् ।
प्रतिनिधि सभा बैठकको विशेष समयमा माओवादीका लेखनाथ दाहालले असार २८ गते प्रचण्डले विश्वासको मत नपाए संविधानको धारा ७६ (३) को सरकार बन्ने दाबी गरे ।राष्ट्रपतिले संविधानको पालना गर्ने र कांग्रेस एमालेले जे भन्यो त्यही गर्न नहुने दाहालको भनाइ थियो ।
प्रतिनिधि सभा बैठकको आकस्मिक समयमा माओवादी सांसद महिन्द्र राय यादवले अबको सरकार धारा ७६ (३) अनुसारको बन्ने दाबी गरे ।
यस्तै शून्य समयमा सांसद छिरिङ डम्डुल लामा भोटे र छिरिङ लामा तामाङले कुर्सीको लागि माओवादीले संविधानको गलत व्याख्या नगर्ने भन्दै धारा ७६ (३) अनुसारको सरकार बन्ने दाबी गरेका थिए। संविधानको कुन धाराबाट सरकार बनाउने भन्ने विषयलाई लिएर संसद्मा माओवादी र एमाले सांसदहरूबीच जुहारी चलिरहेको छ ।
प्रतिक्रिया दिनुहोस
सफल खबर संवाददाता
मंगलबार, २५ असार २०८१, १४ : ४९
लेखकबाट थप
सम्बन्धित समाचारहरु
एनसेलबारे मन्त्रिपरिषद्को निर्णयमा आजपाको आपत्ति
प्रतिनिधि सभा बैठक : स्थानीय तथा राष्ट्रिय समस्या समाधान गर्न सरकारको ध्यानाकर्षण
प्रतिनिधि सभा बैठक सुरू, प्रधानमन्त्री अोलीले विश्वासको मत लिँदै
सोमबार बिहान ११ बजेसम्मका लागि प्रतिनिधि सभा बैठक स्थगित
विदेशी लगानीका लागि उपयुक्त आधार बनेको छः अर्थमन्त्री पुन
कर्मचारीको आन्दोलनले संसद् बैठक प्रभावित