काठमाडौँ । मंगलबार सरकार परिवर्तनको हल्लाले एकाएक ४७ अंकमाथिले बढेको नेप्से सूचक दोस्रो दिनमा नै सुस्ताएको छ । बुधबार सेयर बजार परिसूचक नेप्से जम्मा ३.७९ अंकले मात्र बढ्दै २१ सय ४.२२ विन्दुमा उक्लिएको हो ।
मंगलबार दिन ४७ अंकमाथिले बढ्दै नेप्से सूचक २१ सयको विन्दुमा अडिएको थियो । तथापि, बुधबार कारोबारमा भने उच्चता आउँदै ५ अर्ब ८ करोड ३५ लाख रुपैयाँ बराबरको १ करोड ७१ लाख कित्ता सेयर दोस्रो बजारमा कारोबार भएको छ । ४७ अंकले सूचक बढेको अघिल्लो दिन ४ अर्ब ५७ करोड ६८ लाख रुपैयाँ बराबरको १ करोड १६ लाख ४५ हजार कित्ता सेयर दोस्रो बजारमा कारोबार भएको थियो ।
बुधबार बैंकिङ, डेभलपमेन्ट बैंक, फाइनान्स, इन्भेष्टमेन्ट र ट्रेडिङ समूहको उपसूचक बढेको छ भने बाँकी ८ वटा उपसूचक ऋणात्मक भएका छन् । कुल २४६ कम्पनी मध्ये बुधबार १०१ कम्पनीको सेयर मूल्य बढेको छ भने १३६ कम्पनीको मूल्य घटेको छ । बाँकी १० वटा कम्पनीको मूल्य भने स्थिर रहेको नेप्सेले जनाएको छ ।
बुधबार सेन्टरल फाइनान्स कम्पनी र आईसीएफसी फाइनान्सका सेयरधनीले समान १० प्रतिशतले कमाएका छन् भने छिमेकी हाइड्रोपावर कम्पनीका सेयरधनीले ४.७० प्रतिशतले गुमाएका छन् ।
प्रतिक्रिया दिनुहोस
सफल खबर संवाददाता
बुधबार, १९ असार २०८१, १५ : ३५
लेखकबाट थप
सम्बन्धित समाचारहरु
१२ अंकले घट्यो नेप्से परिसूचक, ५ दिनमा २२ अंकको गिरावट
नेप्से परिसूचक सामान्य अंकले बढ्यो, साढे १३ अर्ब बढीको कारोबार
२७ सयमुनि झर्यो सेयर बजार
३६.८३ अंकले घट्यो नेप्से, ४ दिनमा १४५ अंकको गिरावट
अन्तिम समयमा ३.८० अंकको वृद्धि भएर बन्द भयो सेयर बजार
सेयर बजारमा पहिरो, इन्डेक्स २७ सयमा झर्याे