देवकोटालाई माओवादीले सोध्यो स्पष्टीकरण

काठमाडौं । नेपाल कम्युनिस्ट पार्टी (माओवादी केन्द्र) ले माओवादीकै चुनाव चिह्न लिएर निर्वाचित गण्डकी प्रदेशका सांसद फणीन्द्र देवकोटालाई कारबाही प्रक्रिया अघि बढाएको छ ।

त्यसका लागि नेपाल समाजवादी पार्टीका नेता देवकोटाले माओवादी संसदीय दलको ह्विप उल्लङ्घन गरेकाले कारबाही गर्न स्पष्टीकरण सोधेको छ । माओवादी केन्द्रका प्रचार विभाग प्रमुख अग्निप्रसाद सापकोटाले सांसद देवकोटालाई २४ घण्टाभित्र जवाफ पेस गर्ने गरी प्रदेश संसदीय दलले
स्पष्टीकरण सोधेको जानकारी दिए ।  

“माओवादीले उहाँ (फणीन्द्र देवकोटा) लाई कारबाही गर्न प्रक्रिया अघि बढाएको छ । प्रदेश सभाबाट स्पष्टीकरण सोधेको छ । जवाफ आएपछि अगाडि बढेर कारबाही हुन्छ,” उनले भने । गोरखपत्रमा खबर छ ।