समाजवादी मोर्चालाई पार्टी एकतामा रुपान्तरण गर्ने गृहकार्य भइरहेको छ : देव गुरुङ

सुर्खेत । नेकपा माओवादी केन्द्रका महासचिव देव गुरुङले समाजवादी मोर्चामा आबद्ध दलहरुबीच पार्टी एकता संयोजन समिति गठनतर्फ गृहकार्य भइरहेको बताएका छन् ।शुक्रवार सुर्खेतमा पत्रकारसँग कुरा गर्दै महासचिव गुरुङले जसपा विभाजन भए पनि मोर्चामा फरक नपर्ने बताए ।

गुरुङले भने–ढिलोचाँडो समाजावादी मोर्चाबाट पार्टी एकताको दिशामा हामी अघि बढ्छौं । पार्टी एकता संयोजन समिति बनाउनेतर्फ गृहकार्य भइरहेको छ । समाजवमादी मोर्चामा भएका घटकमात्र होइन बाबुराम भट्टराईजीको पार्टी विभाजित भएको छ । महेन्द्र राय यादवजीलगायत साथीहरु पार्टी एकताकै लागि तयार हुनुहुनछ । त्यसैले हामी समाजवादी मोर्चाबाट पार्टी उकताको दिशातर्फ एक स्टेप अघि बढ्ने सम्भावना छ ।

समाजवादी मोर्चामा माओवादी केन्द्र,नेकपा एकीकृत समाजवादी,जसपा र विप्लव नेतृत्वको नेकपा एस आबद्ध छन् ।