रफाह । बिहीबार इजरायली सेनाले गाजा पट्टीको एक विद्यालयमा हमासलाई निशाना बनाएर गरेको आक्रमणमा कम्तीमा ३२ जनाको मृत्यु भएको छ । इजरायली सेनाले बताएअनुसार ज्यान गुमाउनेमा ५ जना बालबालिका रहेका छन् । हमलामा दर्जनौँ घाइते भएको बताइएको छ ।
बिहीबार बिहान नुसिरत क्षेत्रमा यो हमला गरिएको हो । यद्यपि यस आक्रमणबारे धेरै जानकारी दिइएको छैन । स्थानीय सञ्चारमाध्यमले उक्त हमलामा कम्तीमा ३९ जनाको मृत्यु भएको बताएका छन् । प्यालेस्टाइन समाचार एजेन्सीले उक्त हमलामा ३२ जनाको मृत्यु भएको भनिरहेको छ ।
प्यालेष्टाइनी शरणार्थीका लागि संयुक्त राष्ट्र संघले चलाइरहेको संस्था (यूएनआरडब्ल्यूए)का अनुसार दिएर अल –बलाहस्थित अल अक्सा मार्टेयर अस्पतालबाट कम्तीमा ३० जनाको शव प्राप्त भएको बताइएको छ ।
गत वर्षदेखि जारी छ इजरायल र हमासको द्वन्द्व
गत वर्ष अक्टोबर ७ मा हमासले इजरायलमा छिरेर हमला गरेको थियो, जसमा करिब १ हजार १ सय ६० जनाको मृत्यु भएको थियो । मृत्यु हुनेमा अधिकांश इजरायली नागरिक रहेका थिए ।
आक्रमणपछि हमासका आतङ्ककारीहरूले २५० भन्दा बढी इजरायली र विदेशीहरूलाई बन्धक बनाएर गाजामा लगेका थिए । यस द्वन्द्वका बिच हमासले केही बन्धकहरूलाई रिहा गरेको भए पनि ९९ जना बन्धकहरू अझै हमासको कैदमा रहेको बताइएको छ ।
प्रतिक्रिया दिनुहोस
सफल खबर संवाददाता
विहीबार, २४ जेठ २०८१, १२ : ४१
लेखकबाट थप
सम्बन्धित समाचारहरु
गाजामा पोलियो खोप खुवाउन ठूलो अभियान सुरु गरिदै
गाजामा इजरायली आक्रमण, १२ जनाको मृत्यु
गाजाबाट ६ जना बन्धकको शव बरामद
गाजामा इजरायली आक्रमणबाट १०० प्यालेस्टाइनीको मृत्यु
इजरायली ‘निकासी आदेश’को असरः ६० हजार गाजाबासी विस्थापित
गाजाको एक विद्यालयमा इजरायली आक्रमण, ९० भन्दा बढीको मृत्यु